Стравот од целосен ветинг не се покрива со небулозни соопштенија – Проверка на сите политичари во последните 30 години!
Демократската унија за интеграции бара веднаш да започне меѓународно мониториран ветинг за секој политичар во последните триесет години.
„Стравот од целосен ветинг не се покрива со небулозни соопштенија. Јасно е дека секое доцнење во овој процес само ќе ги засили сомнежите на граѓаните за вистинската посветеност кон борбата против корупцијата. Бараме веднаш да започне меѓународно мониториран ветинг за секој политичар во последните триесет години“, додаваат од ДУИ.
Според нив овој процес треба да биде транспарентен и независен, со вклучување на меѓународен надзор за да се обезбеди правда и доверливост.
„Секое доцнење и одбивање само покажува дека гласноста за борбата против корупцијата е обид за прикривање на сопствената корупција“, завршуваат од ДУИ.
