Првачињата Албанци го добија унифицираниот буквар

На учениците Албанци од прво одделение денеска им беше врачен унифицираниот буквар на албанската азбука од кој учат и првачињата во Албанија и Косово. Првиот вицепремиер Изет Меџити рече дека со овој буквар, , ќе се зачува и негува стандардниот и унифициран албански јазик.

„Денеска заедно со наставниците, учениците и родителите го инаугурираме унифицираниот буквар за учениците од прво одделение. Овој буквар е потврда на нашите напори да го заштитиме нашето стебло на идентитетот во ера на глобализација и интернет. Во етно-културниот аспект може да се каже дека ја запечатува нашата припадност, додека од практичен аспект, унифицираниот буквар претставува многу важен водич, ако не и суштински, за зачувување и негување на стандардниот и унифициран албански јазик во децении пред нас“, рече Изет Меџити, прв вицепремиер.

„Ќе биде дистрибуиран во сите училишта. Информацијата е дека сите овие книги се депонирани во Институтот за културно наследство и останале таму. Со нашето доаѓање на власт овие книги се поделени на учениците и ќе бидат во рацете на учениците. Одлука на наставниците ќе биде како ќе се користат. Верувам дека и наставниците и учениците со нетрпение очекуваа да го имаат овој буквар во свои раце и верувам дека ќе го користат сите ученици Албанци во Северна Македонија“, додаде Билал Касами, градоначалник на општина Тетово./Алсат.мк

Ајнур Бафќари Алсат