Сколс: Босниќ е најлошиот фудбалер во историјата на Манчестер Јунајтед

Пол Сколс се согласува дека Антони е очаен избор за Манчестер Јунајтед, особено ако е „се гледа и економскиот дел од трансферот“, но останува на ставот дека Марк Босниќ е најлошото нешто што го видел на тренинзите и натпреварите.

„Моравме да најдеме замена за Шмајхел и знаевме дека ќе биде тешко. Босниќ беше добар на голот на Астон Вила, но кога дојде кај нас се однесуваше непрофесионално. Искрено, беше смешен. Шутерскиот тренинг траеше меѓу 15 до 20 минути, тој по три шута не наеше каде се наоѓа“, се присети легендарниот фудбалер на денвите кога беше соиграч со австралискиот голман со хрватско потекло.

„Човекот не знаеше да ја избие топката, тоа во живот го немав видено“, додаде тој, а потоа се сети на конкретниот натпревар.

„Денот беше совршен, без ветер. Игравме на гости кај Евертон. Не успеа да ја исфрли топката до центарот на теренот“, рече тој како гостин во подкастот „The Overlap“ и заклучи:

„Точно е дека Антони е скапо платен, но за мене Босниќ е најлошиот играч кој го носел дресот на Манчестер Јунајтед“.

Сколс освои 25 трофеи со клубот и за кој одигра повеќе од 700 натпревари. Тој ги наведе Вејн Руни и Ерик Кантона како спротивни примери на Босниќ.

Босниќ бранеше на само 38 натпревари за Јунајтед и имаше просек од еден примен гол по натпревар. Сепак, тој ја освои титулата во Премиер лигата во сезоната 1999/00.