Англија е лидер на фудбалскиот трансфер пазар

Англија ја засили својата доминација на машкиот фудбалски трансфер пазар ова лето, остана убедливо на врвот и во исто време од Германија ја презеде првата позација според остварените приходи, објави Меѓународната фудбалска федерација (ФИФА).

Од 1 јуни до 1 септември клубовите во светот потрошиле 1,69 милијарди долари (1,52 милијарди евра) за 526 меѓународни регрутации. Тоа е нешто помалку отколку во летото 2023 година (1,98 милијарди долари).

Англиските клубови го соборија рекордот според остварени приходи поставен од германските тимови пред една година, акумулирајќи вкупно 1,25 милијарди долари (1,13 милијарди евра) благодарение на меѓународните трансфери на 523 играчи.

Франција е на второ место (756 милиони долари), пред Шпанија, Португалија, Германија и Италија. Водечки неевропски продавач, Бразил, се наоѓа на осмото место (278 милиони долари).