Вечерва мотоциклист тешко повреден во сообраќајна несреќа во Неготино

Мотоциклист се здобил со тешки телесни повреди при судир со возило „Пасат“ вечерва во Неготино. Информацијата ја потврди портпаролката на СВР Велес, Биљана Ѓаковска.

– Вечерва, во 20:45 часот, во ОВР Неготино било пријавено дека на крстосницата од улиците „Идустриска“ и „Маршал Тито“ се случила сообраќајна несреќа помеѓу мотоцикл „Сузуки“ со кавадаречки регистарски ознаки, управуван од А.К. (54) од Кавадарци, и патничко возило „Пасат“ со регистарски ознаки од Виница, управувано од Ф.А. (29) од Виница. Во несреќата, мотоциклистот се здобил со тешки повреди, кои биле констатирани во болницата во Кавадарци, појасни Ѓаковска.