Му ја наполнија главата на Енцо, нѐ лажеа…
Тренерот на португалскиот великан Бенфика, Роџер Шмит распали по лондонскиот гигант Челси после пропаѓањето на обидот на „сините“ да го купат најдобриот млад фудбалер од последното СП во Катар, Аргентинецот Енцо Фернандез.
Челси силно загриза за Енцо, брзо се договори со него за личните услови, дури го натера Аргентинецот да побара трансфер, а откако најавувале од Лондон дека ќе ја платат откупната клаузула, излезе дека понудиле само 85 милиони евра од фамоизните 127 милиони што ги најавуваа. Па следеше и втора понуда од 90 милиони со три играчи плус, ама за Бенфика и тоа не беше прифатливо.
