Надал: Федерер одигра најдобро, но Новак Ѓоковиќ е најдобар на сите времиња

Поранешниот тренер на Рафаел Надал, Тони Надал изјави дека Новак Ѓоковиќ е најдобар на сите времиња, особено по освојувањето на златниот медал на Олимписките игри во Париз.

Освен Ѓоковиќ, вујкото на Рафа го пофали и Роџер Федерер за кого смета дека игра најдобар тенис, додека за Рафа изјави дека му пречат повредите.

„Кој играше најдобро? Федерер. Кој е најдобриот на сите времиња? Ѓоковиќ. Затоа што освои најмногу трофеи. Кој би бил најдобар да нема повредени? Мојот внук Рафа! Но, бидејќи имаше за жал повреди, на крајот Ѓоковиќ беше најдобар, иако според она што го видов во мојот живот, Федерер го играше најдобриот тенис“, изјави Тони Надал во интервју за Јуроњуз.

Новак Ѓоковиќ сезонава не освои ниту еден грен слем трофеј, додека сезоната ја спаси со златен медал на Олимписките игри.