Дали ќе има мировни преговори!? Што го советуваше Ердоган на Путин!?

Турскиот претседател Реџеп Таип Ердоган му рекол на својот руски колега Владимир Путин во телефонски разговор дека мировните напори во руско-украинската војна треба да бидат поддржани со едностран прекин на огнот и визија за праведно решение, соопшти турското претседателство.

Во соопштението се наведува дека двајцата лидери разговарале за енергетиката и за црноморскиот коридор за жито.

Ердоган, исто така, му рекол на Путин дека треба да се преземат конкретни чекори за отстранување на курдските милитанти од пограничниот регион на Сирија.

Тие разговараа и за проектот за гасен центар во Турција, за кој двајцата претседатели претходно наложија да се направи детален план за градба.

„За време на разговорот, претседателот Ердоган рече дека Анкара ја зајакнала и продолжува да ја зајакнува инфраструктурата за создавање гасен центар во Турција, како и дека турската страна е посветена на финализирање на патната карта и преземање конкретни чекори за нејзино спроведување колку што е можно поскоро“, велат од канцеларијата.