Русија може да присуствува на состаноците на АПЕК, тврди американски официјален претставник

– Русија ќе добие покана да присуствува на самитот на Азиско-пацифичката економска соработка (АПЕК) следната година, чиј домаќин се САД, соопшти денеска американски официјален претставник.

-Како „добри домаќини на АПЕК“, САД ќе ја поканат Русија, членка на оваа организација од 21 земја, рече Мет Мареј, висок американски претставник на АПЕК на прес-конференција во Сингапур.

Односите меѓу Вашингтон и Москва го достигнаа најниското ниво во последните 60 години од почетокот на војната во Украина во февруари.

На министерскиот состанок на АПЕК, чиј домаќин беше Тајланд во мај, претставниците на САД и некои други земји ја напуштија салата во знак на протест за време на говор на рускиот министер за економија Максим Решетников.

Рускиот претседател Владимир Путин не присуствуваше на самитот на Групата 20 на Бали минатиот месец, и покрај поканата од домаќинот Индонезија, а Мареј не коментираше дали Путин ќе присуствува на состанокот на лидерите на АПЕК следната година во Сан Франциско.