Серија апсења низ Скопје, полицијата излезе со детали

Во текот на 19 и 20 октомври 2024 година, полицијата во Скопје изврши неколку акции во кои беа лишени од слобода повеќе лица поради поседување недозволени материи и оружје.

На 20 октомври, во 02:15 часот, на подрачјето на Карпош, полициски службеници го лишија од слобода 27-годишен жител на Гостивар поради пронајдена марихуана и дробилка со остатоци од марихуана.

Во 02:30 часот, во Градскиот парк во Скопје, во угостителски објект, полициски службеници го лишија од слобода 21-годишен жител на Скопје поради поседување бела прашкаста материја.

Во 03:25 часот, во угостителски објект во Карпош, беше лишен од слобода 24-годишен жител на Тетово, кај кого исто така беше пронајдена бела прашкаста материја.

Во 03:40 часот, на подрачјето на Карпош, полицијата приведе 29-годишен жител на Скопје поради поседување бела прашкаста материја.

На 19 октомври, полицијата изврши уште неколку акции:

Во 12:20 часот, во Шуто Оризари, беше лишен од слобода 23-годишен жител на Куманово поради пронајдена кафеава грутчеста материја.

Во 15:40 часот, во Гази Баба, полицијата приведе 25-годишен жител на Скопје поради поседување марихуана.

Во 22:30 часот, на истото подрачје, беше лишен од слобода 44-годишен жител на Скопје, кај кого во возило „Опел“ беше пронајдена марихуана.

Во 23:20 часот, на подрачјето на општина Аеродром, полицијата приведе 22-годишен жител на село Инџиково поради поседување марихуана.

Во 21:45 часот, во Скопје, полициските службеници од Полициската станица Бит Пазар приведеа 37-годишен жител на Скопје поради пронајден нож.

По целосно документирање на сите случаи, ќе следуваат соодветни поднесоци.

The post Серија апсења низ Скопје, полицијата излезе со детали appeared first on 24info.mk.