Ема Наваро се повлече од Мастерсот во Ријад

Американската тенисерка Ема Наваро го откажа настапот на завршниот Мастерс во Ријад.

Најдобрите осум тенисери ќе играат во Саудиска Арабија од 2 до 9 ноември.

Наваро требаше да патува како осма во светот, но сепак одлучи да остане дома.

Нејзиното место ќе го заземе следната на листата, Чехинката Барбора Крејчикова, која на тој начин ќе се најде во „портокаловата група“ со Ига Швјонтек, Коко Гоф и Џесика Пегула.

Што се однесува до Наваро, која оваа сезона стигна до четвртфиналето на Вимблдон и полуфиналето на Ју-ес опен, таа изјави дека не се чувствува доволно подготвена да игра.

Нејзиниот менаџер пријавил дека таа сè уште не закрепнала од вирусна инфекција што ја имала неодамна.

Дарија Касаткина и Даниел Колинс патуваат во Ријад како први резерви.

Финалето е закажано за 9 ноември.