Масакр во Јута, загинаа 5 малолетници

Во американската сојузна држава Јута, се случи еден од најтрагичните настани во историјата на државата. Во масовно пукање, загинаа 8 лица од кои 5 беа малолетници.

Инцидентот се случил во дом во градот Енох.

Според соопштението, полициски службеници од полициската управа на градот Енох извршиле проверка на домот и нашле мртви тројца возрасни и пет малолетни лица.

Според соопштението, секоја жртва се здобила со прострелни рани.

Официјалните претставници рекоа дека нема закана за јавноста и дека не веруваат дека има осомничени за пукањето кои се на слобода.

Истрагата е во тек.

Полицијата не даде детали за идентитетот, ниту за возраста на жртвите.