(Видео) Рита Ора едвај ги задржа солзите: „Да се ​​потсетиме на нашиот пријател Лиам Пејн“

Рита Ора беше водителка на MTV Europe Music Awards (EMA) во Лондон, а во еден момент се присети на трагично починатиот пејач Лиам Пејн со кој во 2018 година сними дует, додека едвај ги задржуваше солзите.

„Сакам да одвојам момент да се сетам на некој кој ни беше многу, многу драг. Неодамна го загубивме и тој беше важен дел од светот на МТВ, мојот свет и, верувам, светот на многумина од вас дома, како и сите овде вечерва“, рече Рита на работ на солзи. Таа додаде дека тој е „еден од најљубезните луѓе што ги сретнала“ и истакна дека таа и продуцентите на MTV разговарале како ќе му оддадат почит на Лиам.

„Мислам дека понекогаш е доволно само да се зборува“, продолжи таа. „Тој го имаше најголемото срце и секогаш беше првиот човек што нудеше помош. Носеше толку многу радост на секој простор во кој влегуваше и остави силен белег на овој свет. Затоа, да одвоиме еден момент да се потсетиме на нашиот пријател Лиам”, заклучи таа.

Потоа, на доделувањето на наградите беше прикажан клип посветен на Пејн со натпис „MTV се сеќава на Лиам Пејн“, заедно со црно-бели фотографии и видеа од починатиот музичар, а беше пуштена дел од песната Night Changes на One Direction.