Германската министерка за одбрана на удар поради бизарното видео. Германските медиуми се брутални кон неа: “Таа ја посрамоти целата земја”, портпаролот остана без зборови

Германската министерка за одбрана Кристин Ламбрехт сними видео говор за војната во Украина среде хаотичните новогодишни прослави и предизвика низа критики. Едвај чујно над градскиот огномет, Ламбрехт во пораката размисли за годината обележана со „војна која беснее среде Европа“.

Војната во Украина на Ламбрехт и донесе „многу посебни искуства“ и можност за „многу средби со одлични и интересни луѓе“, вели таа во видеото објавено на нејзиниот личен профил на Инстаграм.

Бизарното видео беше дополнително нагласено со случајните експлозии на огномет над Берлин, имајќи предвид дека главниот град на Украина речиси истовремено беше цел на руски воздушни напади.

Новогодишното обраќање на Ламбрехт не го доби вистинскиот тон. Таа направи војната да звучи како возбудливо професионално искуство, истакнува германскиот дневен весник Тагесшпигел.

Весникот „Билд“ е уште поостар: „Неколкуминутната порака, снимена на мобилен телефон, ја посрамоти Германија!“, истакнуваат тие.

Германската министерка за одбрана веќе извесно време се соочува со силни критики во медиумите за нејзината бавна поддршка за Украина.

Таа беше исмејувана, меѓу другото, по најавата дека Германија ќе испрати 5.000 шлемови во Украина – во време кога Киев бараше тешко оружје.

Портпаролот на Министерството за одбрана одби да коментира за, како што вели, приватно видео објавено од Ламбрехт.

Тој само изјави дека за снимањето на видеото не биле искористени официјални средства.