Прилепчани уплатиле пари на скопјанец за работа во Германија: Останале и без пари и без работна виза

Вчера во 12.00 часот во ОВР Прилеп, две лица од Прилеп на возраст од 39 и 31 година пријавиле дека во август и септември 2024 година биле измамени од едно лице.

Според пријавеното, преку вибер контактирале со лицето за посредување за работа во Сојузна Република Германија и притоа во повеќе наврати уплатиле пари на сметка на лице од Скопје.

Како што е пријавено, до пријавувањето не добиле работна виза, а од пред една недела лицето престанало да комуницира со нив, по што сфатиле дека се измамени.

Полицијата соопшти дека се преземаат мерки за расчистување на случајот.

The post Прилепчани уплатиле пари на скопјанец за работа во Германија: Останале и без пари и без работна виза appeared first on 24info.mk.