Владо Георгиев ограбен во трговскиот центар „Дајмонд“ во Скопје: „Им посакувам сè ‘најубаво’ на крадците“

Српскиот пејач Владо Георгиев преку социјалната мрежа „Икс“, соопшти дека бил ограбен во трговскиот центар „Дајмонд“ во Скопје. Тој напиша дека му ги украле дури и подароците за децата.

„Им посакувам сè ‘најубаво’ на крадците кои ми упаднаа во автомобилот, кој го паркирав во трговскиот центар „Дајмонд“ во Скопје, и ми украдоа еден куп работи од задното седиште, па дури и подароците за децата и пријателите“, напиша иронично пејачот на мрежата Икс.