„Минатата година и беше најтешка“: Никол Кидман планира да се исели од САД

Познатата актерка Никол Кидман (57) и нејзиниот сопруг, кантри пејачот Кит Урбан (57) наводно размислуваат да се вратат во Австралија по исклучително тешката година за нив. Никол годинава се соочи со голема загуба по смртта на нејзината мајка.

Организацијата на погребот во Сиднеј и била уште потешка поради интензивниот деловен распоред.

Семејството и пријателите се загрижени за нејзиното здравје, плашејќи се дека може да „изгори“ од преоптоварување. Според извор близок до парот, Никол и Кит сериозно размислуваат да се преселат во Австралија за да најдат потивок начин на живот.

„Минатата година беше најтешката во нивните животи. Тие едвај имаа шанса да поминуваат време заедно, а Никол беше сама во некои од најтешките периоди од нејзиниот живот“, изјави извор за Woman’s Day. Тој додаде дека нејзиното семејство се прашува уште колку може да издржи такво темпо.

Кит Урбан размислува да се повлече од турнеите за да биде со својата сопруга. Неговата серија од 10 концерти во Лас Вегас треба да заврши во февруари.