Ефектот ,,Кристијано Роналдо” веќе започна во Саудиска Арабија

Во последните денови главна вест во светот на спортот беше трансферот на Кристијано Роналдо во Ал Наср. Ова е еден од најбогатите трансфери во историјата на спортот. За две и пол сезони во Саудиска Арабија, Португалецот ќе заработи неверојатни половина милијарда евра, бидејќи неговата плата ќе биде околу 200 милиони евра по сезона, во која се вклучени спонзорските договори и приходите.

Колку Роналдо е голем бренд во светот на фудбалот покажува видео кое доаѓа од Саудиска Арабија. Имено, вчера се одигра натпреварот помеѓу Ал-Итихад и Ал-Хилал. Некој би рекол дека овој натпревар нема никаква врска со славниот Португалец, но во него се случи една симпатична ситуација.

Во еден момент двајца навивачи истрчаа на теренот за време на споменатиот натпревар и ја имитираа познатата прослава на голот на Роналдо наречена „сиииууу“.

Роналдо ќе мора уште малку да почека за дебито за Ал Наср, поради суспензијата од два натпревари што ја заработи додека настапуваше за Манчестер Јунајтед, а истата ќе ја одлежи во Саудиска Арабија. Роналдо треба да дебитира за својот нов клуб на 21 јануари кога ќе го пречекаат Ал Етифак.