One UI 7 има за цел да понуди AI-платформа со најинтуитивни контроли, овозможувајќи персонализирани искуства со мобилни уреди поддржани од вештачка интелигенција


Samsung Electronics денес јавно ја најави One UI 7 бета програмата со моќни AI-функции, поедноставени контроли и преглед на скалабилни AI екосистеми на иднината. One UI 7 означува значителен скок напред со интегрирање на водечки AI агенти и мултимодални функции во секоја допирна точка на интерфејсот, создавајќи AI платформа каде секоја интеракција се чувствува природно и интуитивно. Бета програмата нуди прв поглед на надграденото мобилно корисничко искуство за поголема персонализација од кога било досега.

Подобрена AI за поинтуитивно корисничко искуство

One UI 7 носи моќни надградби на Galaxy AI функциите, вклучувајќи напредни алатки за пишување. Интегрирани во AI-оперативниот систем, тие им овозможуваат на корисниците да ја зголемат својата продуктивност каде текстовите можат да се селектираат без потреба од менување апликации. Оваа способност го проширува спектарот на веќе достапните алатки за пишување, овозможувајќи AI поддржани опции за резимирање на содржина, проверка на правопис и граматика и автоматско форматирање на белешки во ставки.

Подобрените функции за повици со One UI 7 ги прошируваат границите на комуникацијата и поврзувањето преку транскрибирани повици со поддршка за 20 јазици. Кога е активирана функцијата за снимање на повици, снимените повици автоматски се транскрибираат за подоцнежна референца, отстранувајќи ја потребата од рачно бележење додека извршувате повеќе задачи истовремено.

Смел нов дизајн за поголема персонализација и контрола

Моќните AI функции на One UI 7 доаѓаат со значително нов изглед, базиран на нов систем за известувања, кој ја поедноставува комуникацијата со лесен пристап директно од заклучениот екран на уредот. Вклучува Now Bar, кој истакнува релевантни активности низ различни функции како што се: Преведувач, Музика, Снимање, Тајмер и други. Со овозможување инстантен пристап до важни известувања, Now Bar ја намалува потребата од постојано отклучување на уредот и им овозможува на корисниците без напор да пристапат до клучни информации. Со поддршка за претстојните уреди од серијата Galaxy S, Now Bar ќе го трансформира искуството со заклучениот екран, кое ќе продолжи да се развива со уште поинтелигентни функции во иднина.

Овие подобрувања на функциите се засновани на едноставен, впечатлив и емотивен дизајн. Заедно, овие принципи создаваат уедначени и кохезивни искуства за корисниците на Galaxy. Дефиниран со смел, иконски дизајн, One UI 7 го намалува визуелниот неред и поттикнува привлечен дизајн кој резонира на лично ниво со корисниците, овозможувајќи интуитивни мобилни искуства преку функциите поддржани со вештачка интелигенција.

Со поедноставен почетен екран, редизајнирани One UI виџети и заклучен екран, покрај другите функции, овие елементи работат заедно за да им овозможат на корисниците прецизна контрола врз секој детаљ и да ја направат персонализацијата интуитивна и беспрекорна.

Редизајнираната UX камера овозможува поинтуитивна контрола врз напредните поставки. Копчињата, контролите и режимите на камерата се реорганизирани за полесно наоѓање на потребните функции и за појасен преглед на сликата или видеото што го снимате.

За режимите Pro и Pro Video, распоредот на мануелните поставки е, исто така, поедноставен, овозможувајќи полесно фокусирање на сликата или видеото што го снимате. Новата контрола за зумирање е достапна кога снимате во Pro Video режим, овозможувајќи ви да ја контролирате брзината на зумирање за беспрекорни транзиции.

Официјалното претставување на One UI 7 ќе започне со претстојните уреди од серијата Galaxy S, со дополнителни AI можности вклучувајќи подобрени AI функции на самиот уред, почнувајќи од првиот квартал на 2025 година. Во согласност со посветеноста на Samsung за проширување на својата политика за ажурирања на оперативниот систем, ова ажурирање ќе се воведува постепено и на други Galaxy уреди.
One UI 7 бета програмата најпрво ќе биде достапна за уредите од серијата Galaxy S24 во Германија, Индија, Кореја, Полска, Обединетото Кралство и САД од 5 декември. Корисниците на серијата Galaxy S24 можат да се пријават за бета програмата преку Samsung Members.

###
За Samsung Electronics
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, полуспроводниците и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.