Позната е здравствената состојба на повредените членови на обезбедувањето на Гаши

Тројца припадници на обезбедувањето на претседателот на Собранието, Африм Гаши, се повредени во сообраќајна несреќа на магистралниот пат Охрид-Кичево, во близина на селото Ново Село. Сите се во стабилна здравствена состојба, но ќе останат под лекарски надзор во болница како мерка на претпазливост.

Претседателот Гаши го потврди инцидентот за време на посетата на пратеничките канцеларии во Охрид, нагласувајќи дека тројцата полициски службеници се подложени на неопходни медицински прегледи и се надвор од животна опасност.

„Веднаш ги посетивме во болницата. Докторите потврдија дека нема сериозни повреди, но ќе останат на опсервација за секој случај. Најважно е што сите тројца се во ред,“ изјави Гаши.

The post Позната е здравствената состојба на повредените членови на обезбедувањето на Гаши appeared first on 24info.mk.