Бисерот на Црвена звезда урна рекорд на Компани во ЛШ

Андрија Максимовиќ, тинејџерот на Црвена звезда, е новиот рекордер во Лигата на шампионите.

Еден од најталентираните фудбалери ов Европа, против Милан во средата го урна рекордот на легендата на Манчестер сити и актуелен менаџер на Баерн Минхен, Венсант Компани.

Максимовиќ е најмладиот фудбалер кој започнал пет натпревари во низа во Лигата на шампионите.

Играчот од редот за врска ги започна дуелите со Интер, Монако, Барселона, Штутгарт и Милан. Притив Милан имаше 17 години 188 дена. Претходниот рекорд на Компани беше 17 години и 244 дена.

Максимовиќ, во поразот на Црвена звезда од Милан (2:1) одигра 60 минути, во 15.минута топката по неговиот удар ја погди гредата.