Бразилска инфлуенсерка има совршено женско тело според вештачката интелигенција

Бразилската инфлуенсерка Карол Розалин (25) е прогласена за сопственичка на совршеното женско тело според анализата на вештачката интелигенција.

Плејбој Австралија пишува дека вештачката интелигенција и ја доделила титулата „совршена десетка“ земајќи ги предвид факторите како симетријата, пропорциите, здравјето и физичката сила. Розалин својата фигура ја припишува на здравата исхрана и редовниот тренинг во теретана.

„За мене веќе е победа кога ги гледам резултатите во огледало. Неверојатно е чувството да те препознаат како жена во совршена форма“, изјави Карол за споменатиот магазин. Таа додаде дека почнала да тренира пред осум години, а денес тренира со тегови пет дена во неделата и секој ден посетува часови по аеробик.

Таа рече дека нејзината исхрана главно се состои од овошје, зеленчук, овесна каша и пилешко. За појадок, вели таа, јаде две пржени јајца, папаја, ананас, овес и цимет, а на крајот пие кафе.

Сепак, фитнес експертот Бен Лукас предупредува дека нејзината фигура не треба да се припишува само на тренинзите и исхраната.

„Генетиката и начинот на живот играат голема улога во обликот и типот на телото. Важно е да се нагласи дека има многу „совршени“ типови на тело. Мислењата се субјективни, а концептот за совршено тело сам по себе е релативен“, рече Лукас, додавајќи дека „ нема сите жените да изгледаат исто ако се држат до нејзиниот режим“. Инаку, Лукас е сопственик на студио за фитнес и јога во Сиднеј и има соработувано со бројни познати личности.