(Видео) Симонс со звукот на сирената им пресуди на Денвер Нагетс

Портланд во последните секунди го шокира Денвер, забележа победа 126:124. Анфрени Симонс ги постигна последните поени на натпреварот со што ја прекина серијата од шест порази на Портланд.

Најефикасен кај Денвер беше српскиот центар Никола Јокиќ со 34 поени, осум асистенции и шест скока. Џамал Мареј додаде 24 поени, 10 асистенции, три скока и три украдени топки, Расел Вестбрук 19 поени и седум скока, а Мајкл Портер 16 поени и 6 скока.

Хројот на Портланд, Симонс натпреварот го заврши со 28 поени и 10 асистенции, Шејдон Шарп постигна 27 поени. шест скока и четири асистенции, а Дени Авдија имаше 19 поени.

Деандре Ајтон придонесе со 15 поени и 13 скока во победата, додека Тумани Камара имаше 14 поени и 8 скока.

Резултати:

Детроит – Јута 119:126
Орландо – Оклахома 99:105
Вашингтон – Шарлот 123:114
Бостон – Чикаго 108:117
Торонто – Бруклин 94:101
Хјустон – Њу Орлеанс 133:113
Мемфис – Голден Стејт 144:93
Сан Антонио – Атланта 133:126
Далас – Л.А. Клиперс 95:118
Феникс – Индијана 111:120
Минесота – Њујорк 107:133
Портланд – Денвер 126:124
Сакраменто – Л.А. Лејкерс 100:113