Гери Невил: Ова е најлошиот тим во Англија

Фудбалерите на Манчестер јунајтед, синоќа на „Олд Трафорд“ загубија од Њукасл со 2:0. Њукасл по само 20 минути фудбал стекна предност од два гола, благодарение на головите на Александар Исак и Жоелингтон.

Јунајтед против Њукасл постави бројни негативни рекорди. Декември 2024 година ќе остане запаметен како првиот месец во кој „црвените ѓаволи“ претрпеа најмалку пет порази од септември 1962 година.

Во сите натпреварувања, Јунајтед загуби шест натпревари во декември, што не им се случило од 1930 година кога загубија седум. За прв пат од 1979 година, тие загубија три последователни првенствени натпревари на „Олд Трафорд“.

Гери Невил, поранешен фудбалер и капитен кој целата своја професионална кариера ја одигра во Јунајтед, даде свој коментар во студиото „Скај Спорт“.

Најпрвин ги коментираше наввачите кои го исвиркуваа Зиркзе кој беше заменет во 33.минута.

„Навистина ми е жал за него. Знам дека заработува многу, но внатре има човечко суштество. И се потсмеваат со него. Тоа е апсолутно брутално. Не сум гледал често вакво нешто во 43-те години откако доаѓам на „Олд Трафорд“. Тој заминува директно низ тунелот и јас навистина не го обвинувам затоа што понекогаш е огромен срам. Не играше добро, да бидеме јасни. Без разлика на се, вие го гледате најлошиот фудбалски тим во земјата“.