МЗТ против најдобриот тим во регионот брка
Кошаркарите на МЗТ Скопје новата 2023 година ја почнуваат со меч на домашен терен против најсилниот можен противник, Црвена Звезда (17 часот), екипа која во моментов е хит во Евролигата и убедливо прва во АБА, каде што и ја брани титулата.
Аеродромци се свесни дека против себе имаат тим со 10-15 пати поголем буџет, за кој денеска ќе настапи и фантастичниот Факундо Кампацо, аргентински репрезентативец со НБА-искуство, кој нема право да игра во најсилното европско клупско натпреварување. Но и покрај тоа, тие најавуваат дека ќе дадат сѐ од себе против огромниот фаворит, бидејќи чуда се можни дури и при ваков однос на силите.
