Пријавени два случаи на семејно насилство во еден ден
Вчера во Гостивар и Тетово биле пријавени случаи на семејно насилство.
Во првиот случај 42- годишна жена од селото Падалиште, пријавила дека во нејзниниот семеен дом била физички нападната од нејзиниот син Г.С. (23) и неговата сопруга која е малолетничка. Се преземаат мерки за расчиствање и документирање на случајот.
Во вториот случај во Тетово на улицата „Гоце Делчев“ бил приведен С.А. (44) откако бил пријавен од неговата 41- годишна сопруга дека во нивниот семеен дом, физички ја нападнал. Лицето е задржано во полициска станица и по документирање на случајот против него ќе следува соодветен поднесок.
