Како да ја дезинфицирате облеката за време на сезоната на настинки и грипови?

За време на сезоната на настинки и грип, бактериите може да се пренесат на облеката преку површини и воздух.

Микробиологот Џејсон Тетро објаснува за HuffPost дека облеката е порозна и може да делува како „петри чинија“ за микроорганизмите.

Бактериите и габите можат да останат во ткаенините до 90 дена, додека вирусите, како што е грипот, преживуваат пократко, но лесно се пренесуваат преку капки.

За перење алишта се препорачува да се користи топла вода и да се исушат на висока температура, бидејќи тоа ги убива микробите.

Тетро советува и употреба на детергенти со ензими кои ги разградуваат микроорганизмите и додавање на кислородно белило, кое создава водород пероксид.

За синтетички ткаенини, како што е полиестер, вирусите можат да преживеат подолго отколку на природните влакна како што е памукот.

Ако сте болни, исперете ги алиштата веднаш откако ќе закрепнете, вклучително и шалови, капи и ракавици.

Се препорачува и чистење на барабанот на машината за перење еднаш месечно со топла вода и белило.

Чистењето со пареа на облеката може да помогне во дезинфекцијата, а особено е корисна за одела и јакни.