Леао на Касано му порача дека кловн

Фудбалерот на Милан, Рафаел Леао одговори на новите критики коои кон него ги упати поранешниот италијански репрезентативец Антонио Касано.

По финалето на италијанскиот Суперкуп во кое Милан, со спектакуларен пресврт го победи Интер со 3:2, Касано изјави дека Леао не е доволно добар за да игра за седумкратниот европски шампион.

„Леао не знае да игра тимски и Консеисао наскоро ќе сфати дека е нула од фудбалер и фолирант“, рече Касано за време на гостувањето во емисија на Тикток.

Португалецот, влезе во игра во 50. минута против Интер и асистираше за победничкиот гол на Тами Ејбрахам, на својот Х профил ја коментираше изјавата на Касано, нарекувајќи го кловн.

Новиот тренер на Милан, Серхио Консеисао го пофали Леао по освојувањето на Суперкупот, но исто така истакна дека има уште работи на кои крилниот напаѓач треба да работи.

„Леао е феномен и ако промени уште неколку работи, на крајот од сезоната ќе биде еден од најдобрите играчи во светот“, изјави Консеисао.

Ова не е првпат Касано да го критикува Леао, со оглед на тоа што тој ја доведе во прашање неговата посветеност и квалитет по ремито без голови на Милан со Дортмунд во Лигата на шампионите. Потоа Леао исто така одговори со емотикони на кловн.