Возачот кој удри во тинејџер во Битола се пријавил во полицијата

Дваесет и двегодишно момче управувало со возилото кое вчеравечер околу 3 часот по полноќ удри во 17-годишник кој се здоби со тешки повреди.

Возачот утрото во 7.20 часот самиот се пријавил во полицијата, соопшти МВР. Се работи за момче од битолско, кое управувало автомобил со германски национални ознаки.

Со него од страна на полициски службеници извршен бил службен разговор.

За настанот бил известен јавен обвинител, а по целосно документирање на случајот ќе следува соодветна пријава.