ЖЕСТОКА ТЕПАЧКА меѓу навивачите на Наполи и Рома на автопат

Во конфликтот хулиганите користеле палки и факели

Непосредно пред натпреварите на нивните клубови во Серија А, навивачите на Наполи и Рома имаа жестока пресметка на автопатот. Судирот се случил на истото место каде пред 15 години беше убиен навивач на Лацио. Во конфликтот хулиганите користеле палки и факели, а навивачите наводно биле избодени со нож.

Новинарот Симоне Гуадањо известува дека двајца навивачи на Рома се во болница и дека еден е во тешка состојба. Тепачката се случи кога наполитанците отпатуваа за Џенова на мечот со Сампдорија, додека Римјаните беа на пат за Милано каде „Вучица“ игра против „Росонер“, а дербито започнува во 20 часот и 45 минути.