Ковач ќе ја преземе Борусија

Хрватскиот тренер Нико Ковач наскоро би можел да стане нов тренер на Борусија Дортмунд.

Членовите на бордот на Борусија сакаат да го доведат Ковач како замена за Нури Шахин, кој беше отпуштен во средата.

Германските медиуми јавуваат дека челниците на Борусија одлетале за Салцбург на тајна средба, со намера да постигнат договор со 53-годишниот тренер за краткорочен договор.

„Дортмунд сака да го доведе Ковач, но поранешниот тренер на Баерн и Франкфурт не сака да биде „пожарникар“, што јасно им го кажа“, напиша инсајдерот, Патрик Бергер за целата ситуација.

Германскиот новинар на крајот нагласи дека жолто-црните гледаат резервна опција во Данецот Мајк Тулберг, кој е тренер на младинските тимови на Борусија.

Ковач целата своја кариера ја помина во Германија, тренирајќи ги Ајнтрахт, Баерн и Монако, а беше и селектор на Хрватска.

Дортмунд е 11. во поредокот со седум победи, седум порази и пет нерешени во домашното првенство.