Шефот на дипломатијата на Финска: Нема да има нуклеарно оружје на територијата на земјата по влезот во НАТО

Шефот на дипломатијата на Финска: Нема да има нуклеарно оружје на територијата на земјата по влезот во НАТО

Нуклеарно оружје нема да биде распоредено на територијата на Финска по нејзиниот прием во НАТО, изјави денеска министерот за надворешни работи на земјата Пека Хависто, јавуваат финските медиуми.

„Финска не постави никакви предуслови кога аплицираше за членство бидејќи не сакаше да го стесни опсегот на своите активности. Сепак, јасно е дека нема да има нуклеарно оружје на финска територија дури и по завршувањето на членството“, рече Хависто, како објави финскиот портал „Иле“.

Хависто ја потврди визијата на политичкото раководство на земјата Финска и Шведска истовремено да влезат во НАТО.

„Финска и Шведска формираат единствена одбранбена стратешка структура. Истовремената најава за приклучување на Финска и Шведска во НАТО не е само гест на учтивост, туку прашање на зајакнување на одбранбените способности на двете земји“, рече Хависто.