ДРАМАТИЧНИ СНИМКИ ОД БРАЗИЛ: Дел од демонстрантите тепаат полицаец на коњ, други пеат националната химна (ВИДЕО)

На интернет кружи видео од брутален напад на полицаец кој патролира на коњ

Илјадници приврзаници на поранешниот бразилски екстремно десничарски претседател Жаир Болсонаро упаднаа во главните седишта на политичката моќ во бразилската престолнина – Конгресот, Врховниот суд и претседателската палата Планалто – во неделата, предизвикувајќи голема штета, објавија локалните медиуми.

Додека некои од нив во Конгресот ја пеат националната химна веејќи го бразилското знаме, оние пред институциите се насилни. На интернет кружи видео од брутален напад на полицаец кој патролира на коњ.

Поддржувачите на Болсонаро протестираат против враќањето на власт на левичарскиот претседател Луис Инасио Лула да Силва, кој го победи Болсонаро во вториот круг од претседателските избори на 30 октомври минатата година. Локалните медиуми проценуваат дека на протестите учествуваат околу 3.000 луѓе.

Илјадници демонстранти ги заобиколија безбедносните барикади, се искачија на покривите, кршеа прозорци и упаднаа во сите три згради, кои се поврзани преку огромниот плоштад Три сили во Бразилија.

Овие инциденти потсетуваат на инвазијата на американскиот Капитол на 6 јануари, за што многу политички аналитичари и судството предупредуваат со месеци. Но, во овој случај, веројатно е дека Конгресот и Врховниот суд имале ограничен персонал во зградите во неделата.