(Видео) 22-годишната Клавдија ќе ја претставува Грција на Евровизија

Грците избраа кој ќе ги претставува на овогодинешниот избор за песна на Евровизија во Базел, Швајцарија.

Учествуваа 12 песни, а телевизиската мрежа ЕРТ ги повика граѓаните да гласаат за својот фаворит. Покрај публиката, својот глас го дадоа и членовите на националното и меѓународното стручно жири.

Победник на натпреварот е Клавдија Пападопулу со песната „Астеромата“.

Клавдија доби 44 поени, а второпласираната Евангелија со песната „Вале“ 42 поени.