(Видео) Магијата на Меси на -25 степени во Канзас

Фудбалерите на Интер Мајами го совладаа Спортинг Канзас Сити со 1:0 со голот на Лионел Меси.

Аргентинецот по којзнае кој пат покажа класа, неговиот гол во 56. минута беше дефиниција за мајсторство и генијалност на фудбалски генијалец.

This angle of Lionel Messi’s goal on his weaker foot. pic.twitter.com/Af4nlDWtKV

— Stop That Messi (@stopthatmessiii) February 20, 2025

Бравурата на Меси беше доволна за гостите да победат на првиот натпревар од Купот на шампионите КОНКАКАФ, елитното натпреварување на северноамериканскиот континент, на -25 степени Целзиусови.

Овој натпревар требаше да се одигра ден претходно, но поради ниската температура беше одложен за 24 часа.

Временските услови, сепак, не се подобрија значително, но делегатот и судијата решија да го одиграат натпреварот.

Реваншот во многу попријатниот Мајами е закажан за 26 февруари.

Во меѓувреме, Мајами во МЛС ќе одигра натпревар против Њујорк Сити.