(Видео) Дончиќ со склекови го провоцира човекот кој го трејдуваше, додека во позадина ечи Цеца

Лука Дончиќ го одигра својот прв натпревар со Лос Анџелес Лејкерс против Далас Маверикс, клубот во кој ја започна НБА кариерата и каде што стана миленик на навивачите. Словенецот го заврши натпреварот со 19 поени, 15 скока, 12 асистенции, три блокади и две украдени топки, а Лејкерси победија со 107:99.

Дончиќ не ја пропушти можноста да им се сити на луѓето кои решија да го трампаат. На загревањето пред натпреварот почна да прави склекови откако ги виде Ник Харисон, генералниот директор на Маверикс и човекот кој го трејдуваше.

Luka misses a half court shot pregame a d has to do pushups and finishes with a dunk. pic.twitter.com/r8F9cRQhvn

— Arash Markazi (@ArashMarkazi) February 26, 2025

Ова беше одговорот на Дончиќ на обвинувањата дека Далас се ослободил од него бидејќи клубот го сметал за дебел и неподготвен. И додека Дончиќ правеше склекови, во позадина низ арената во Лос Анџелес се слушаше како одекнува песната „Да раскинам со него“ во изведба на српската турбофолк пејачка Светлана Цеца Ражнатовиќ.

Словенецот потврди дека е нејзин обожавател во 2023 година, кога американските новинари го прашале кој музичар би сакал да го види на полувремето од Ол-стар натпреварот. Тој одговори дека би сакал да ја види Цеца.