Тепачки и димни бомби во српскиот парламент!

Жесток хаос во моментов владее во Собранието на Србија, каде пратениците од опозицијата фрлиле димни бомби и јајца по пратениците од владејачката коалиција. Дошло и до физичка пресметка меѓу народните избраници.
Околу час и половина по почетокот на седницата настанал хаос кога тамошната опозиција станала од собраниските клупи.

Претседателката на српскиот парламент, Ана Брнабиќ, ги повика пратениците да се вратат во своите места. Дел од нив држат марамчиња преку уста поради чадот од димните бомби.