Папата Франциск упати длабоко сочувство за жртвите од катастрофалниот пожар во Кочани

Во телеграма потпишана од кардинал Пиетро Паролин, државниот секретар на Ватикан, и упатена до бискупот Киро Стојанов, папата ја изрази својата тага и молитви за загинатите, како и утеха за нивните семејства и сите кои страдаат поради оваа трагедија.
„Папата Франциск уверува во својата молитвена поддршка за оние што ги загубија животите и го повикува Господовото милосрдие за утеха на сите погодени од оваа тешка несреќа,“ се вели во пораката.

На крај, Светиот Отец упати посебна молитва за брзо закрепнување на повредените и повика на единство и поддршка меѓу народот на Северна Македонија во ова искушение.