Овој трик за затнат нос има милиони прегледи, a дали всушност функционира?

Дали е ова скриено оружје во борбата против настинките?

Радувањето на она што го носи зимата може да тргне многу погрешно, кога наместо планина од снег ќе сретнете планина од марамчиња издувани од затнат нос.

На платформата „TikTok“ моментално доминира видео на лекар кој советува како да го отпуштите носот со помош на едноставна процедура. Профилот @getadjustednow на д-р Џастин Луис, киропрактичар во Њујорк, привлече голем број следбеници поради едно решение за овој проблем.

Имено, тоа е многу лесен трик. Сè што треба да направите е да го повлечете носот на страна со прстите, притоа притискајќи ја јаболчната коска нагоре со палецот од другата рака и носот ви е одзатнат. Но, дали е ова навистина добро решение?

Лекарите велат дека пред сè, треба да ја откриете причината за затнувањето, дали се работи за алергија, дали е инфекција на синусите или настинка. Ова може да биде решение за вас, но секако краткорочно.

Видеото може да го погледнете ТУКА.

Значи функционира, но нема да ви биде многу полесно кога повторно ќе се затне за неколку минути. Затоа е секогаш подобро затнатиот нос да се третира правилно и според причината за затнатоста.

– Дел од снабдувањето со крв во носот доаѓа од малите садови кои влегуваат во страничните ѕидови на носот од образите – вели д-р Жаклин Џонс, оториноларинголог и додава:

– Со притискање на овие садови и нерви, може да имате моментални промени во протокот на крв, што може да се сфати како подобрување на назалната конгестија. Проблемот е што назалната конгестија е мултифакторна – објаснува таа. Откривањето што го предизвикува тоа е најдобриот начин да го намалите притисокот и да ги отпушите синусите.

Денес, Интернетот е отворена библиотека, но не и амбуланта. Колку и да се најде нешто, подобро е да не се менуваат ситуациите како одење на лекар за пребарување на интернет, вели „Yahoo.com“.