Јован открива како успеал да спаси 21 живот од дискотеката на смртта во Кочани

Соучениците на 19-годишниот Јован Костадинов од гиманизијата „Ванчо Прке“ од Виница го пречекаа со аплауз и прегратки нивниот другар, кој спаси 21 живот во пожарот во дискотеката „Пулс“ во Кочани на 16 март, Јован по кратко болничко лекување денеска се врати во училиште, а соучениците и професорите му направија изненадување.

„Овој настан покажа дека е време да почнеме со некои нови вредности. Вредности во кои ќе се почитува хуманоста, вредности во кои сите млади треба да се идентификуваат со ваквиот херојски настап на Јован.

Како што раскажал Јован во разговорите со наставниците, во моментот на пожарот останал присебен и се сетил што треба да направи благодарение на часовите за прва помош кои неодамна ги имал при полагање за возачка дозвола.