Шолц се уште е убеден во потребата да се координира испораката на оружје во Украина со сојузниците

 Германскиот канцелар Олаф Шолц изјави дека се уште е убеден во потребата да се координира испораката на оружје во Украина со сојузниците, додека расте притисокот врз Берлин да испрати германски тенкови Леопард 2 во Киев.

Германија минатата недела објави дека ќе и обезбеди на Украина оклопни возила Мардер за да помогне во одбивањето на руските сили.

Соопштението е објавено истиот ден кога САД објавија дека ќе испратат борбени возила Бредли во Украина, еден ден по слична најава од Франција.

Киев побара тешки воени возила како што се тенковите Леопард, што би претставувало значаен чекор во поддршката на Западот за Украина.