Малолетник е тешко повреден откако „голф“ излета од пат во Куманово

Малолетник и уште две лица се повредени откако „голф“ излета од пат во Куманово.

– На 13.04.2025 околу 23.20 часот во СВР Куманово било пријавено дека на ул.„11 Ноември“ во Куманово, патничко возило „фолксваген голф“ со кумановски регистарски ознаки, управувано од М.К.(21) од село Клечовце, општина Старо Нагоричане, излетало надвор од коловозот. Во несреќата со тешки телесни повреди се здобил малолетен сопатник од Куманово, а со телесни повреди се здобиле возачот М.К. и уште еден сопатник Д.Л.(36) од Куманово, констатирани во Општата болница Куманово, известија од МВР.

Извршен бил увид од увидна екипа од СВР Куманово.