Врховниот суд уште на 7-ми мај ја укинал пресудата со која Васил Јованов беше осуден на 3 години затвор за трговија со дрога.

Врховниот суд уште на 7-ми мај ја укинал пресудата со која Васил Јованов беше осуден на 3 години затвор за трговија со дрога. Но, освен соопштение на веб страната, Врховниот суд не ги известил ниту адвокатот, ниту обвинителството, ниту обвинетиот Јованов, ниту неговите адвокати.
Јавува тв Телма.
При денешното изрекување на пресудата за прегазувањето на Фросина Кулакова, укинатата пресуда беше спомната како правосилна пресуда и една од отежителните околности и Јованов беше осуден на 12 години затвор.

Таа правосилна пресуда сега е укината и не постои во правниот поредок, па Апелација ќе треба да одлучува повторно во истиот процес во кој Јованов е обвинет за трговија со дрога.