(Видео) Варди се збогува со „Лисиците“ со 200-от гол во 500-от натпревар

Лестер со победа се збогуба од своите навивачи. „Лисиците“ во претпоследното коло славеа над Ипсвич со 2:0. Овие два тима заедно со Саутемптон испаднаа во Чемпионшип.

Против „трактористите“ во центарот на вниманието беше легендарниот Џејми Варди.

Легендарниот голгетер го одигра својот последен натпревар во дресот на Лестер, токму на денот кога пред 13 години го потпиша својот прв договор со овој тим.

Но, тоа не е крајот кога станува збор за симболика. Овој последен натпревар беше неговиот јубилеен 500-ти во дресот на Лестер, го постигна јубилејниот 200-ти гол.