Драма во Хитроу, ураниум пронајден во товар од Иран: “Може да испушта многу високо ниво на токсично зрачење”

На аеродромот Хитроу во Лондон е пронајдена пратка ураниум што предизвика страв од можен терористички напад. Непријавен ураниум бил откриен во товар на 29 декември на патнички лет.

Во Лондон е покрената голема антитерористичка истрага откако на аеродромот Хитроу беа запленети неколку килограми ураниум.

Смртоносниот нуклеарен материјал, кој потенцијално може да се користи во таканаречената валкана бомба, пристигна на лет од Оман, на Блискиот Исток, на 29 декември.

Пратката била адресирана до компанија поврзана со Иран во Британија. Според првите информации, ураниумот не е наменет за оружје и не може да се користи за производство на нуклеарно оружје.

Но, се разбира дека безбедносните служби истражуваат дали непријавениот пакет можел да бил наменет за импровизирана направа, позната како валкана бомба.

Таквата направа, долго време кошмарно сценарио за експертите за контратероризам, комбинира конвенционални експлозиви со нуклеарен материјал за да растера смртоносен радиоактивен облак.

Уран бил откриен со специјални скенери

Специјализирани скенери ја откриле непријавената пратка додека била транспортирана до складиштето за товар. Агентите на граничните сили ја изолирале пратката во радиоактивна просторија и откако утврдиле дека е ураниум, повикале полиција за борба против тероризмот.

„Можеме да потврдиме дека колегите од граничните сили во Хитроу стапиле во контакт со офицерите од Командата за борба против тероризмот откако била идентификувана многу мала количина на контаминиран материјал по рутинска проверка во пакетот што пристигнал во Британија на 29 декември 2022 година“, потврди полицијата.

„Сакам да ја уверам јавноста дека количината на контаминиран материјал е исклучително мала и експертите оценија дека не претставува закана за јавноста. Иако нашата истрага е во тек, од нашите досегашни истраги се чини дека не е поврзана со каква било директна закана“, изјави началникот на полицијата Ричард Смит.

„Досега не се уапсени и продолжуваме да работиме со партнерските агенции за целосно да го истражиме овој случај и да се осигураме дека нема опасност за јавноста. Утврдено е дека материјалот е контаминиран со ураниум“, додаде тој.

„Ураниумот може да емитува многу високи нивоа на токсично зрачење. Може да се користи во валкана бомба. Добрата вест е дека системот функционираше и беше запленет“, коментира Хамиш Де Бретон-Гордон, поранешен командант на полкот за нуклеарна одбрана на Британија. Екипите на судска медицина се уште го испитуваат ураниумот од товарот.