Ова се двете најголеми грешки при вежбање што ви предизвикуваат болка

Многумина од нас тренираат почесто на почетокот на летото за да ја усовршат својата фигура. Токму затоа се случуваат грешки кои предизвикуваат повреди.

Докторот Џејмс Гладостон изјавил дека многу од неговите пациенти малку ги негираат своите години иако се во добра форма, пренесува New York Post.

„Тие вежбаат четири или пет пати неделно и сакаат да „добијат“ што е можно повеќе. Во овие случаи, тие пребрзо го зголемуваат интензитетот и прават премногу“, рече тој.

Луѓето кои тренираат на овој начин се изложени на поголем ризик од тендинитис (воспаление на тетивите), болка во рамото, повреди на лактот и синдром на илиотибијална лента, кој е познат и како „тркачко колено“. Се јавува кога ткивото од надворешната страна на бутот станува премногу напнато.

Втората најчеста грешка ја прават „воините за викенд“. Како што објасни Гледстон, овие луѓе не вежбаат во текот на работната недела, јадат нездрава храна, имаат лошо држење и слично, а кога ќе дојде викендот очајнички се трудат да воспостават здрав начин на живот.

„Тие влегуваат во неволја бидејќи премногу вежбаат и не се во форма“, рече тој. Ова го зголемува ризикот од повреди на грбот, рамото и други повреди. Ако сакате да бидете во форма, имајте на ум дека некои од најдобрите вежби што можете да ги правите не бараат никаков напор.

„Јогата и пилатес се одлични затоа што може да ги прави речиси секој на кое било фитнес ниво и ќе бидат корисни“, рече тој. Се разбира, истото влијание го имаат и пешачењето, пливањето и возењето велосипед.