ГЕНЕРАЛ НА НАТО ТВРДИ: Британски маринци учествувале во тајни операции во Украина?

Беа извршени неколку операции на командоси.

Британските маринци беа вклучени во тајните операции во Украина , рече генерал-полковник Роберт Маговен , кој командуваше со овие трупи до мај. Претходно беше познато дека британските маринци ја осигурале безбедноста на евакуацијата на британската амбасада во Киев.

Дека нивната улога не била ограничена само на оваа мисија, генералот пишува во списанието Globe and Laurel, официјалното издание на Кралските маринци, кое излегува шест пати годишно со тираж од 12.500 примероци. Евакуацијата на британската амбасада од Киев во Полска се случи во јануари.

Потоа во април (маринците) се вратија во земјата за да ја обноват дипломатската мисија, истовремено обезбедувајќи заштита на критичниот персонал. Во двете фази тие поддржаа други стелт операции во исклучително чувствителна средина и со високо ниво на политички и воен ризик – го цитира британскиот Тајмс генералот.

Генерал-полковник Роберт Маговен командуваше со британските маринци од април 2021 година до мај 2022 година. Портпаролот на британската морнарица изјави за Тајмс дека маринците биле испратени во Украина за да го поддржат британското дипломатско присуство во земјата и дека не извршуваат никакви борбени задачи.