Домашни лекови за главоболка: Четири намирници кои можат да ја ублажат мигрената

Природни решенија за главоболка

Кога ги боли глава, повеќето луѓе посегнуваат по апчиња, но можеби следниот пат можете да пробате со компир, банана, ананас и краставица, кои благодарение на својот состав можат природно да ја намалат болката.

Компир

Докажано е дека храната богата со калиум помага во ублажување на главоболката, а печен компир со кора има дури 600 милиграми калиум.

Банана

Динамично дуо на калиум и магнезиум се наоѓа во ова вкусно овошје што повеќето луѓе сакаат да го јадат.

Ако главата ви пулсира, магнезиумот има смирувачки ефект што може да помогне.

Ананас

И ананасот може да ја ублажи главоболката. Свежиот ананас содржи ензим бромелаин, кој е еден вид природен аналгетик. Има и антиинфламаторни својства, кои исто така помагаат во намалување на главоболката.

Краставица

Како и лубеницата, така и краставицата може да помогне при слаба хидратација, пишува „Popsugar“. Бидејќи е 95 проценти вода, краставицата е совршена опција за свежа ужина.