Повторно пожар кај Визбегово

Уште едно загадување го вознемири населението во скопската населба Визбегово, каде денеска повторно изби пожар. Според првични информации, гори дива депонија во близина на индустриската зона, објави 4news.mk

Како што може да се забележи и од јавната камера на ЈСП на Водно, над тој дел од градот се издигнува густ чад, кој се шири кон урбаните делови на Скопје.

Жителите, веќе навикнати на вакви сцени, повторно реагираат со гнев и загриженост. Бараат итна интервенција од надлежните служби, но и трајно решение за честите пожари и загадување во овој дел од градот.