Што им напиша Ѓоковиќ на маиците на Модриќ и Ковачиќ?

Неодамнешна фотографија од фудбалерите Лука Модриќ и Матео Ковачиќ и тенисерот Новак Ѓоковиќ, направена на островчето Вела Ступа во близина на Корчула, стана вирална на интернет.

Лука и Матео позираа и со потпишани маици од колекцијата на Ѓоковиќ од Вимблдон. Српскиот тенисер напиша пораки на нивните маици кои ги воодушевија социјалните мрежи.

„За големиот Лука, од срце, за спомен. Се најдобро, брате“, му напиша тој на Модриќ.

На маицата на Ковачиќ напиша: „За Матео, од срце. Ти посакувам се најдобро.“

На островчето, фудбалерите и тенисерот се дружеа со претседателот на УЕФА, Александар Чеферин.

Сите четворица се големи фанови на хрватскиот брег.

Модриќ и Ковачиќ редовно одат заедно на одмор, а Чеферин одмара во Хрватска со години.